მეოთხე დღის რეფლექსია
         ტრენერმა ვრცლად ისაუბრა საავტორო უფლებების დაცვის საკითხზე, რაც ასე აქტუალურია დღევანდელ მსოფლიოში, ნებისმიერ სფეროში.
         შემდეგ ვიმუშავეთ power-point-ში , გავაკეთეთ სლაიდ-შოუ, ვისწავლეთ დიაგრამების, ცხრილების, სქემების გაკეთება, სურათის ჩასმა, სლაიდის დიზაინი და , საერთოდ, პრეზენტაციის აგების სქემა. 

მესამე დღის რეფლექსია

ამ მეცადინეობაზე ვიმუშავეთ ერთმანეთის ბლოგებში შესვლასა და კომენტარების გაკეთებაზე.
   განვიხილეთ ბლუმის ტაქსონომიის საკვანძო კითხვები. ასევე მიმართულების მიმცემ საკვანძო სიტყვებზე. შევავსეთ სქემა, განვიხილეთ ნიმუშები და მოგვეცა დავალება, ჩვენს საქაღალდეში შეგვეტანა სასწავლო პროექტის გეგმაში ასეთი კითხვები.

მეორე დღის რეფლექსია


       ტრენინგის შემდეგ დღეს შევქმენით საქაღალდე და ,,პროექტებით სწავლების'' თეორიული მასალიდან შიგ მოვათავსეთ სასწავლო პროექტის გეგმის შაბლონი და მსგავსი საჭირო მასალები. ვიმუშავეთ ბლოგის შექმნაზე, მოვათავსეთ ჩანაწერები და დავაკომენტარეთ ერთმანეთის ბლოგები.      
        საინტერესო იყო მიმართულების მიმცემ საკვანძო კითხვებზე მუშაობა. თითოეულმა ჩვენგანმა  აირჩია ერთ-ერთი კითხვა და ამის მიხედვით დავწერეთ ზოგადი, თემატური ან შინაარსობრივი კითხვები. გავაკეთეთ შესრულებული სამუშაოს ანალიზი.

     

პირველი დღის რეფლექსია

პირველ დღეს ჩვენი შეხვედრა, ძირითადად, გაცნობითი ხასიათისა იყო. საერთოდ, მომავლის კლასში პირველად ვიყავი. ინტერესით დავათვალიერე ყველაფერი. გავიცანი ტრენერი, რომელმაც ,,გვახარა'', რომ საკმაოდ შრომატევადი მუშაობა მოგველის. პროექტებზე მანამდეც გვიმუშავია, გაგვივლია ტრენინგებიც ამ თემაზე და პრაქტიკულადაც შეგვისრულებია, მაგრამ , როგორც ვატყობ, აქ ამ თემას ცოტა სხვა კუთხიდანაც შევხედავთ. გამოცდილებამ მიჩვენა, რომ პროექტის შესრულება უფრო ადვილია, ვიდრე მისი გაფორმება. საინტერესო იყო ბლოგზე მუშაობა, უფრო სწორად, გახსენება. იმედია, ჩემი მოლოდინი ამ ტრენინგის მიმართ გამართლდება.